2020-жылдын 13-мартында Кыргыз Республикасынын Япониядагы Атайын жана Ыйгарым укуктуу Элчиси М.Арстанбаев менен Япониянын Парламентинин Эл өкүлдөр Палатасынын Спикери Тадамори Ошима жана «Япония-Кыргызстан» достук лигасына кирген депутаттары менен жолугушту. 

Жолугушууда эки тараптуу парламенттер аралык кызматташууну тереңдетүү, Кыргызстандын социалдык-экономикалык өнүгүүсү боюнча өз ара аракеттешүү, ошондой эле эки өлкөнүн аймактарынын ортосундагы байланыштарды түзүү жана бекемдөөгө байланышкан маанилүү маселелер талкууланды. 

Жолугушуунун аягында М.Арстанбаев Кыргыз Республикасынын социал-экономикалык өнүктүрүү жана демократияны бекемдөө үчүн Япония тарабы кошкон натыйжалуу салымы үчүн ыраазычылык билдирди.