2022-жылдын 8-сентябрында Кыргызстан Республикасынын Өзбекстан Республикасындагы Элчилигинде Кыргызстан Республикасынын Өзбекстан Республикасындагы Атайын жана Ыйгарым укуктуу Элчиси Муса Джаманбаевдин түрк маданиятынын Эл аралык уюмунун (ТҮРКСОЙ) Башкы катчысы Султан Раев менен жолугушуусу өттү.

Жолугушуунун алкагында Элчи М. Джаманбаев Кыргызстан менен Өзбекстандын ортосундагы, атап айтканда, маданий-гуманитардык чөйрөдөгү азыркы кызматташтыгына, ошондой эле мамлекеттер ортосундагы маданий өз ара аракеттенүүнү бекемдөөнүн келечегине жана пландарына кыскача токтолду.

Жолугушуунун жүрүшүндө түрк тилдүү мамлекеттердин маданий байланыштарын өнүктүрүүдө жана чыңдоодо ТҮРКСОЙ уюмунун чоң ролу белгиленип, быйыл Изник ​​шаарында өтө турган IV Дүйнөлүк көчмөндөр оюндарына даярдык көрүү маселелери, ошондой эле маданият тармагындагы кыргыз-өзбек мамилелерин кеңейтүү үчүн Элчилик менен уюмдун ортосундагы өз ара аракеттенүү мүмкүнчүлүгү талкууланды.

Тагыраак айтканда, С. Раев Өзбекстанда Манастын эстелигин орнотуу долбоорун, ошондой эле элдердин достугун чыңдоого багытталган башка да иш-чараларды ишке ашырууга көмөк көрсөтүүгө даяр экенин билдирди.