Кыргыз Республикасынын Президенти Садыр Жапаров бүгүн, 16-сентябрда, Шанхай кызматташтык уюмуна (ШКУ) мүчө мамлекеттердин башчыларын тосуп алуу аземине катышты.

Ушул күндөрү Самаркандда (Өзбекстан Республикасы) ШКУга мүчө мамлекеттердин лидерлеринин кезектеги жолугушуусу өтүүдө.

Өзбекстан Республикасынын Президенти Шавкат Мирзиёев Саммиттин катышуучуларын Самарканд туристтик борборунун Конгресс борборунда тосуп алды. Салтанаттуу тосуп алуу жана биргелешип сүрөткө түшүү аяктагандан кийин өлкө лидерлери тар курамдагы сүйлөшүүлөрдү өткөрүү үчүн залга өтүштү.