2022-жылдын 24-сентябрында Кыргызстандын Өзбекстандагы Элчилиги Өзбекстанда аккредиттелген дипломатиялык өкүлчүлүктөрдүн XVIII маданий каада-салттарынын жана улуттук тамак-аштарынын кайрымдуулук фестивалына катышты.

Фестивалда Элчилик тарабынан даярдалган улуттук ашкананын тамактары, ошондой эле кыргыздын элдик көркөм кол өнөрчүлүгүнүн буюмдарынан турган «Оймолор ырдаганда» көргөзмөсү уюштурулду.

Ошондой эле фестивалдын катышуучуларына Кыргыз Республикасынын туристтик потенциалы тууралуу маалымат берилди.

Иш-чаранын жыйынтыгында Элчилик «Эң креативдүү жана түркүн улуттук тамактар» номинациясы менен сыйланды.