.svg){kind=icon}
Өзбекстан Республикасынын Инвестициялар жана тышкы экономикалык байланыштар боюнча вице-премьер-министр - Инвестициялар жана тышкы соода министри С.У.Умурзаков менен жолугушуусу жөнүндө
2020-жылдын 5-ноябрында, Өзбекстан Республикасына болгон жумушчу сапарынын алкагында Кыргыз Республикасынын Тышкы иштер министри Руслан Казакбаев Өзбекстан Республикасынын Инвестициялар жана тышкы экономикалык байланыштар боюнча вице-премьер-министр - Инвестициялар жана тышкы соода министри Сардор Умурзаков менен жолугушту.
Өзбекстандын вице-премьер-министри С.Умурзаков Р.Казакбаевди Кыргызстандын Тышкы иштер министрлигинин башчылыгына дайындалышы менен куттуктап, ишине ийгилик каалады.
Жолугушуунун жүрүшүндө министр жолугушуп, соода-экономикалык кызматташуунун, анын ичинде аймактар аралык жана чек ара байланыштарын өнүктүрүүнүн актуалдуу маселелерин талкуулоо мүмкүнчүлүгүнө ыраазычылыгын билдирди. Тышкы саясат мекеменин башчысы Кыргызстан менен Өзбекстандын ортосунда соода-экономикалык чөйрөдө ишке ашпаган олуттуу потенциал бар экендигин белгилеп, ишкер чөйрөлөрдүн ортосундагы байланыштарды кеңейтүү үчүн жагымдуу шарттарды түзүүгө даяр экендигин билдирди.
Жолугушуунун жүрүшүндө министр жолугушуп, соода-экономикалык кызматташуунун, анын ичинде аймактар аралык жана чек ара байланыштарын өнүктүрүүнүн актуалдуу маселелерин талкуулоо мүмкүнчүлүгүнө ыраазычылыгын билдирди. Тышкы саясат мекеменин башчысы Кыргызстан менен Өзбекстандын ортосунда соода-экономикалык чөйрөдө ишке ашпаган олуттуу потенциал бар экендигин белгилеп, ишкер чөйрөлөрдүн ортосундагы байланыштарды кеңейтүү үчүн жагымдуу шарттарды түзүүгө даяр экендигин билдирди.
Эки өлкөнүн чек ара аймактарында соода-логистикалык борборлорду куруу боюнча конкреттүү долбоорлорду баштоо жана өнөр жай кызматташтыгы максатында биргелешкен ишканаларды ачуу боюнча кеңири пикир алмашуу болду.
Кытай-Кыргызстан-Өзбекстан темир жолун куруу долбоорун ишке ашырууну тездетүү менен Кыргызстандын жана Өзбекстандын транспорттук-транзиттик потенциалын натыйжалуу пайдалануунун механизмдери каралды.
Өлкөлөрдүн ортосундагы соода жүгүртүүнүн көлөмүн көбөйтүү максатында, өз ара соода жүргүзүүгө тоскоол болгон учурдагы тоскоолдуктарды четтетүү жөнүндө макулдашуу жетишилди. Кыргыз тарап Өзбекстанга цемент, көмүр, Майлуу-Суу электр лампа заводунун продукциясы жана башкалар менен камсыз кылууга кызыкдар жана даяр экендигин билдирди.
Өз кезегинде, өзбек тарап Кыргызстанга машина куруу, туризм, медицина, билим берүү жана башка тармактардагы инвестициялардын көлөмүн көбөйтүүгө кызыкдар экендигин билдирди. Жолугушууда ошондой эле ар тараптуу кызматташтыкты өнүктүрүү максатында эки тараптуу кызматташуу боюнча биргелешкен кыргыз-өзбек өкмөттөр аралык комиссиясынын жана чек ара аймактарынын башчыларынын Кеңешинин жакынкы отурумдарынын маселелери талкууланды.
Жолугушуунун жыйынтыгында, тараптар эки өлкөнүн экономика жаатындагы ыйгарым укуктуу органдарынын башчыларынын орун басарларынын деңгээлинде жумушчу топ түзүү менен Кыргызстан менен Өзбекстандын ортосундагы соода-экономикалык байланыштарды кеңейтүү жаатындагы кечиктирилгис милдеттерди чечүү боюнча Иш планын кабыл алуу боюнча иштешүүгө макулдашышты.
Бөлүшүү
