2022-жылдын 17-июнунда Кыргыз Республикасынын Өзбекстан Республикасындагы Атайын жана Ыйгарым укуктуу Элчиси Муса Джаманбаевдин Өзбекстан Республикасынын Маданият министри Озодбек Назарбеков менен жолугушуусу болуп өттү.

Жолугушуунун жүрүшүндө тараптар маданият жана искусство тармагындагы эки тараптуу кызматташтыктын динамикалуу өнүгүүсүн, өз ара активдүү маданий алмашууларды, анын ичинде Кыргызстан менен Өзбекстандын чектеш аймактарынын ортосундагы активдүүлүктү белгилешип, ошондой эле маданият тармагындагы байланыштарды чыңдоонун мындан аркы перспективаларын талкуулашты.

Мындан тышкары, быйыл Өзбекстанда Кыргызстандын маданият Күндөрүн өткөрүү маселеси, ошондой эле  маданият жана искусство тармактарында кадрларды даярдоо чөйрөсүндө кызматташтыкты өнүктүрүү мүмкүнчүлүктөрү өзүнчө каралды.