2022-жылдын 14-17-сентябрында Кыргыз Республикасынын  Баткен облусундагы мамлекеттик чек аранын кыргыз-тажик тилкесинде орун алган куралдуу кагылыштын кесепетинен каза болгон Кыргыз Республикасынын жарандарын эскерүү үчүн 2022-жылдын 19-сентябры Улуттук аза күтүү күнү деп жарыялангандыгына байланыштуу, бүгүн 2022-жылдын 19-сентябрында саат 10.00дөн 17.00гө чейин Ниёзбек Йоли көч. 30 дареги боюнча Кыргыз Республикасынын Өзбекстан Республикасындагы Элчилигинде Көңүл айтуу китеби ачылды.

Китепке өз жазууларын Өзбекстанда аккредиттелген дипломатиялык корпустун, ошондой эле Ташкенттеги эл аралык уюмдардын өкүлчүлүктөрүнүн жетекчилери жана кызматкерлери калтыруушуда.

Азыркы тапта Өзбекстан Республикасынын Тышкы иштер министринин орун басары Эркин Хамраев, Шанхай Кызматташтык Уюмунун (ШКУ) Регионалдык антитеррордук түзүмүнүн Аткаруу комитетинин директору Руслан Мирзаев, Өзбекстандагы TIKA программасынын координатору Джемалеттин Тюней мырза, Кыргыз Республикасынын Өзбекстан Республикасындагы Атайын жана Ыйгарым укуктуу Элчиси Муса Джаманбаев, Корея Республикасынын Өзбекстан Республикасындагы Атайын жана Ыйгарым укуктуу Элчиси Ким Хи Санг мырза, Азербайжан Республикасынын Өзбекстан Республикасындагы Атайын жана Ыйгарым укуктуу Элчиси Гусейн Гулиев мырз,а Египет Араб Республикасынын Өзбекстан Республикасындагы Атайын жана Ыйгарым укуктуу Элчиси Амира Фахми, Япониянын Өзбекстан Республикасындагы Атайын жана Ыйгарым укуктуу Элчиси Ёщинори Фуджияма мырза, Палестина Мамлекетинин Кыргыз Республикасындагы Атайын жана Ыйгарым укуктуу Элчиси доктор Джавад Авад, Индонезия Республикасынын Кыргыз Республикасындагы Атайын жана Ыйгарым укуктуу Элчиси Сунарио Картадината, ЕБ делегациясынын Өзбекстандагы өкүлчүлүгүнүн Убактылуу ишенимдүү өкүлү Миндагас Качераускис мырза, Алжир Элдик Демократиялык Республикасынын Кыргыз Республикасындагы Элчилигинин Убактылуу ишенимдуу өкүлү Фудил Хебиб мырза, АКШнын Өзбекстандагы Элчилигинин Убактылуу ишенимдуу өкүлү Пол Политис мырза, Казахстан Республикасынын Өзбекстандагы Элчилигинин Убактылуу ишенимдуу өкүлү Жаслан Искаков, «Кабар» КУМАнын Өзбекстан Республикасындагы атайын кабарчысы Төлөнбай Курбанов, Ташкент юридикалык университетинин профессору доктор Аммар Юнас, ошондой эле Өзбекстандагы Кыргыз улуттук маданий борборунун өкүлдөрү жана активисттери көңүл айтышты.