Ушул жылдын 25-26 июнь айында Кыргыз-Өзбек дипломатиялык мамилелери орнотулгандан бери биринчи жолу Кыргыз Республикасынын Өзбекстан Республикасындагы Элчилигинин жана Өзбекстан Республикасынын Маданият министрлигинин колдоосу менен уюштурулган,Кыргыз Республикасынын эмгек сиңирген артисти С.Каримованын «Маданият достукка чакырат» аттуу жеке концерти Ташкент жана Жизак областынын Манас айылында өттү.

Бул иш-чара Ташкент шаарындагы “Муким” атындагы Өзбек Мамлекеттик музыкалык театрында жана Манас айылынын маданият үйүнүн сарайында уюштурулду. Иш-чарага Өзбекстанда жашаган миңдеген этникалык кыргыздар, коомдук уюмдардын жана улуттук маданий борборлордун өкүлдөрү катышышты.Кыргыз Республикасынын Өзбекстан Республикасындагы Атайын жана Ыйгарым Укуктуу Элчиси Ибрагим Джунусов жана Өзбекстан Республикасынын маданият министринин орун басары Озодбек Назарбековкуттуктоо сөзү менен чыгып сүйлөштү.

Кыргыз Республикасынын эмгек сиңирген артисти С.Каримова улуттук фалклордук ырлары, мыкты эстрадалык композициялары, өзбек жана чет ырлары менен, келген конокторго чоң программадагы концертин тартуулады. Иш-чаранын алкагында “Муким” атындагы Өзбек Мамлекеттик музыкалык театрынын артистери тарабынын Ч.Айтматовдун чыгармаларынан үзүндүлөр  көрсөтүлүп жана кыргыз кол өнөрүнүн көргөзмөсү болуп өттү.