Республикалык штаб Кыргызстандын мамлекеттик чек арасын учак жана автотранспорт менен өтүүдөгү жаңы эрежелерди бекитти. Ал чет өлкөлүк жарандарга жана Кыргызстандын жарандарына да бирдей тиешелүү.

Кыргызстандын аймагында COVID-19 коронавирус инфекциясын жугузууга жана жайылтууга жол бербөө боюнча ыкчам чараларды көрүү максатында жаңы алгоритмдер бекитилди.

Эл аралык жана ички авиарейстердин жүргүнчүлөрү үчүн алгоритмдер

– Учуу алдындагы процедуралардын бардык этаптарында жана жүргүнчүлөрдү отургузууга чейин беткап тагынуу жана аралыкты сактоо керек;
– Аба кемесинин бортунда/аэробекеттик комплекстердин учуп келүү залдарында жүргүнчүлөрдүн термометриясын өткөрүү;
– Жүргүнчүлөрдө коронавирус инфекциясына шектенүү болгон учурда/ошондой эле жүргүнчүлөрдүн жанында жайгашкан 6-8 орундардагылар обсервацияга/изоляцияга жатышат андан ары медиктердин байкоосунда болот;
– Клиникалык белгилери жок жүргүнчүлөр өз багыты боюнча жүрө алышат.

Чет элдик жарандар/жарандыгы жок жактар – чет элдик адистер, Кыргызстандын аймагына эмгек ишмердигин жүргүзгөнү келгендер

– Тиешелүү мамлекеттик органдар келген адам тууралуу Мамлекеттик чек ара кызматын кабарлоо үчүн уруксат берүүчү документтерди Саламаттык сактоо министрлигине беришет;
– Мамлекеттик чек арадан өтүп жатканда термометриядан өткөрүлөт;
– Клиникалык көрүнүштөр байкалган учурда ПЧР талдоо жүргүзүлүп, ооруканага жаткырылат;
– Клиникалык белгилери жок адамдар ПЧР анализ жүргүзүүнүн жыйынтыгын алганга чейин чакырган адамдар тарабынан алдын ала даярдалган жерге барып туруулары керек;
– ПЧР анализдери терс чыккан учурда аларга жумушка чыгууга уруксат берилет;
– Өкмөттүн буйругуна ылайык, чет өлкөлүк жарандардын/жарандыгы жок адамдардын (адистердин) обсервациядан өтүүлөрүн уюштуруу шарттары, ПЧР-анализден өтүүлөрү жана транспорт каражаттары чакырган тараптын эсебинен жүзөгө ашырылат.

Кыргызстандын аймагына транспорт менен келгендер

– Беткап режимин катуу сактоолору керек;
– Автоунаанын жүргүнчүлөрүн термометриядан өткөрүү;
– Короновирустун клиникалык белгилери аныкталганда ПЧР-анализ тапшыруу, андан ары ооруканага жаткыруу жүргүзүлөт. Байланышта болгон жактарга «Stop COVID-19 KG» мобилдик тиркемеси орнотулат жана андан ары маршрут боюнча жиберилет.

Бөлүшүү