Пакистандын Пешавар шаарына болгон жумушчу сапарынын алкагында Кыргыз Республикасынын Пакистан Ислам Республикасындагы Атайын жана Ыйгарым укуктуу Элчиси Уланбек Тотуяев Сархад соода-өнөр жай палатасынын президенти Шербаз Ильяс Газанфар Билур  жана Пешавар шаарынын өнөр жай ээлеринин ассоциациясынны президенти Малик Имран Исхак менен жолугушту.

Жолугушуунун алкагында тараптар эки өлкөнүн ортосундагы соода-экономикалык мамилелердин учурдагы абалын жана аларды өнүктүрүүнүн келечегин кеңири талкуулашты. Элчи У.Тотуяев пакистан тарабына Кыргыз Республикасынын экспорттук жана инвестициялык дарамети жөнүндө маалымат берди.

Тараптар ошондой эле Кыргызстан менен Пакистандын соода-өнөр жай палаталарынын тилкелери боюнча кызматташтыктын багыттарынын кеңири спектрин жана эки өлкөнүн ишкер чөйрөлөрүнүн, айрыкча фармацевтика тармагындагы өз ара пайдалуу өнөктөштүктү кеңейтүү маселелерин талкуулашты.

Жолугушуунун соңунда Кыргызстандын Элчилиги Пешавардын Соода-өнөр жай палатасынын ардактуу мүчөлөрүн ушул жылы Бишкек шаарында өткөрүүгө пландаштырылган экинчи кыргыз-пакистан бизнес форумуна катышууга чакырды.

Бөлүшүү