Кыргыз Республикасынын тышкы иштер министри Р.Казакбаевдин Армения Республикасынын тышкы иштер министри А.Айвазян менен эки тараптуу жолугушуусу болуп өтт

2021-жылдын 2-апрелинде КМШ өлкөлөрүнүн тышкы иштер министрлеринин кеңешине катышуунун алкагында Кыргыз Республикасынын тышкы иштер министри Р.Казакбаевдин Армения Республикасынын тышкы иштер министри А.Айвазян менен эки тараптуу жолугушуусу болуп өттү.
Жолугушуунун жүрүшүндө министрлер кыргыз-армян мамилелеринин учурдагы абалын жана өнүктүрүү келечегин, жогорку жана эң жогорку деңгээлдеги байланыштарды уюштуруу, ошондой эле ушул жылы биргелешкен иш-чараларды өткөрүү, атап айтканда, тышкы иштер министрлеринин орун басарларынын деңгээлиндеги экинчи саясий консультацияларды өткөрүү маселелерин талкуулашты.
Эл аралык актуалдуу маселелер, анын ичинде Кыргыз Республикасы менен Армения Республикасынын өз аракеттенүүсү, биринчи кезекте БУУ, КМШ, ЕАЭБ жана ЖККУнун алкагында өз ара аракеттенүүсү боюнча кылдат пикир алмашуу болду.
Тараптар өз ара кызыкчылык жараткан бардык маселелер боюнча кызматташтыкты өркүндөтүүгө умтулууларын ырасташты.

Бөлүшүү

Facebook LinkedIn Twitter VK OK