2021-жылдын 15-июнунда Кыргыз Республикасынын тышкы иштер министринин орун басары Айбек Артыкбаев Катар Мамлекетинин Кыргыз Республикасындагы Атайын жана Ыйгарым укуктуу Элчиси Абдулла бин Ахмед Аль-Сулайтини кабыл алды.

Жолугушуунун жүрүшүндө тараптар саясий, соода-экономикалык жана маданий-гуманитардык чөйрөлөрдө, ошондой эле инвестицияларды тартуу жана туризмди өркүндөтүүдө эки тараптуу кызматташууну мындан ары тереңдетүү боюнча актуалдуу маселелерди талкуулашты.

Министрдин орун басары А.Артыкбаев ошондой эле Элчи А.Аль-Сулайтинин эки мамлекеттин ортосундагы мамилелерди чыңдоого кошкон жеке салымын белгилеп, кыргыз тараптын Катар Мамлекетинин Эмири Шейх Тамим Аль Танинин Кыргыз Республикасына иш сапарын эпидемиологиялык кырдаал турукташканда уюштурууга даяр экендигин билдирди.

Бөлүшүү