2024-жылдын 13-майында Кыргыз Республикасынын Европа Бирлигиндеги Туруктуу өкүлү Айдит Эркин Борбор Азия өлкөлөрүнүн мамлекеттик кызматчылары үчүн Европа Бирлигинин колдоосу менен Брюгге шаарында Европа Колледжи тарабынан уюштурулган биринчи атайын тренингдин ачылыш аземине катышты.

Борбордук Азия өлкөлөрүнүн жаш мамлекеттик кызматчыларын атайын кыска мөөнөттүү окууларга окутуу долбоору 2023-жылдын 2-июнда Чолпон-Ата шаарында өткөн Борбор Азия мамлекеттеринин жана Европа Бирлигинин Лидерлеринин жолугушуусунда талкууланган демилгелердин бирин ишке ашыруу болуп саналат. Долбоор андан ары 2023-жылдын 23-октябрында Люксембургда кабыл алынган Борбордук Азия менен Европа Бирлигинин ортосундагы кызматташтыкты тереңдетүү боюнча Жол картасында чагылдырылган.

Элчи А.Эркин Европа Бирлиги менен академиялык кызматташтыкты кеңейтүүнүн жана мамлекеттик кызматкерлердин тажрыйба алмашуусунун маанилүүлүгүн белгиледи, бул эки тараптуу жана аймактар ​​аралык кызматташтыкты чыңдоонун маанилүү элементтеринин бири болуп саналарын белгиледи. Буга байланыштуу ал Европа Бирлигинин толук каржылык колдоосу менен жыл сайын өткөрүлүүсү күтүлүп жаткан бул тренингдерди уюштуруп жаткандыгы үчүн Европа Колледжинин ректору Ф.Могериниге ыраазычылык билдирди.

Бөлүшүү