Чет өлкөлөрдө Кыргыз Республикасынын жарандарынын укуктарын жана мыйзамдуу кызыкчылыктарын коргоо жаатында 2024-жылдын апрель айында аткарылган иштер жөнүндө
![](/uploads/content/29167/1e1fe300-bd14-3a33-9d62-a45f51bf2d4d.jpeg)
2024-жылдын апрель айында Министрликтин жетекчилиги астында Кыргыз Республикасынын чет өлкөлөрдөгү дипломатиялык өкүлчүлүктөрү жана консулдук мекемелери тарабынан консулдук тармакта төмөнкүдөй иштер аткарылды:
- Кыргыз Республикасынын жарандарынын укуктарын коргоо маселелери боюнча кабыл алуучу өлкөлөрдүн компетенттүү органдарынын өкүлдөрү менен 111 жолугушуу өткөрүлдү;
- документтештирүү боюнча 40 624 консулдук иш-аракеттер жана консулдук кызматтар көрсөтүлдү, ошондой эле Кыргыз Республикасынын жарандарынын укуктарын коргоо боюнча 7181 консулдук иш-аракеттер аткарылды;
- консулдук-укуктук чөйрөдө жарандардын 246 жазуу жүзүндөгү кайрылуулары оң каралды;
- консулдук кызматтарды алуу маселелери боюнча 21 977 жаранга консультациялар берилди;
- Кыргыз Республикасынын чет өлкөлөрдөгү мекемелеринин ыкчам байланыш телефондору аркылуу 4 975 адамга консультация берилди;
- Кыргыз Республикасынын 2 208 жаранына консультациялык-укуктук жардам көрсөтүлдү;
- Кыргыз Республикасынын жарандарынын катышуусу менен кырсык болгон жерлерге, чет мамлекеттердин укук коргоо жана сот органдарына 126 консулдук чыгуулар уюштурулду;
- Кыргызстандын жарандарын кармоонун шарттары менен таанышуу жана аларга зарыл консулдук-укуктук жардам көрсөтүү максатында Екатеринбург, Новосибирск, Санкт‑Петербург, Сургут, Южно-Сахалинск (Россия), ошондой эле Дубай (БАЭ) жана Стамбул (Туркия) шаарларында жайгашкан чет өлкөлүк жарандарды убактылуу кармоочу жайларга консулдук чыгуулар уюштурулду;
- Россиянын Калининград, Челябинск облустарындагы жана Ханты-Мансийск автономиялуу округундагы - Юграда, ошондой эле Туркиянын Денизли провинциясында жайгашкан сегиз түзөтүү мекемесине консулдук чыгуулар уюштурулуп, анын жүрүшүндө Кыргызстандын эркиндигинен ажыратууга соттолгон 94 жараны менен консулдук жолугушуулар өткөрүлдү;
- Венгриянын, Россиянын жана Туркиянын тергөө изоляторлорунда кылмыш иштери боюнча кармалган Кыргыз Республикасынын 10 жараны менен консулдук жолугушуулар уюштурулду;
- консулдук кызматкерлер Кыргызстандын жарандарынын кызыкчылыгы үчүн Россиянын сотторунда жазык иштери жана административдик укук бузуулар жөнүндө иштер боюнча 8 сот отурумуна катышты;
- Кыргыз Республикасынын 77 жаранын административдик жоопкерчиликтен бошотуу / алардын административдик жоопкерчилигин жеңилдетүү маселелери иштелип чыкты;
- Кыргыз Республикасынын 2 жаранына кылмыш жазаларын жеңилдетүүгө / кылмыш-жаза жоопкерчилигинен бошотууга көмөк көрсөтүлдү;
- Кыргыз Республикасынын 8 жаранынын 550 миң сомго жакын төлөнбөгөн эмгек акысын өндүрүү маселеси оң чечилди;
- Беларуста, Германияда, Казакстанда, Кувейтте, Россияда, Сауд Арабиясында, Тажикстанда, Туркияда, Украинада оор турмуштук кырдаалга туш болгон Кыргыз Республикасынын жаранына мекенине кайтууга жардам көрсөтүлдү;
- АКШнын Теннесси жана Пенсильвания штаттарына консулдук чыгуулар уюштурулуп, асырап алынган эки баланын асырап алуучулардын үй-бүлөлөрүндө жашоо жана тарбиялануу шарттарына мониторинг жүргүзүлдү;
- Россияда жана Тажикстанда мыйзамдуу өкүлдөрүнүн кароосуз калган жашы жете элек Кыргызстандын 9 жаранын (Россиядан - 5, Тажикстандан - 4 жашы жете элек баланы) мекенине кайтарууга көмөк көрсөтүлдү;
- чет өлкөдө каза болгон Кыргыз Республикасынын 14 жаранынын сөөгүн Кыргыз Республикасына репатриациялоого көмөк көрсөтүлдү;
- Кыргыз диаспора уюмдарынын жана коомдук бирикмелеринин катышуусу менен чет өлкөлөрдө 63 иш-чара өткөрүлдү;
- Кыргызстандын жарандарына консулдук кызмат көрсөтүү үчүн Калининград, Мирный (Россия), ошондой эле Хьюстон (АКШ) шаарларына консулдук иш-сапарлар уюштурулду;
- Таиланд тарап менен Кыргыз Республикасынын жарандары үчүн Таиланд Королдугуна электрондук виза алуу маселеси иштелип чыкты.
Министрлик Кыргыз Республикасынын чет өлкөлөрдөгү мекемелери менен биргеликте бул багытта жигердүү иштерди улантат.