«Энелер күнүнө” арналган иш-чара жөнүндө
2020-жылдын 28-ноябрында Екатеринбург шаарында “Кыргызстан-Урал” жана “Евразия-Казакстан” Свердлов облустук коомдук уюмдар уюштурган “Энелер күнүнө” арналган салтанаттуу иш-чарага Кыргыз Республикасынын Екатеринбург шаарындагы Башкы консулдугунун кызматкерлери катышты.
Диаспоралык бирикмелердин күчү менен коноктор үчүн кыргыз, казак жана орус тилдериндеги ыр-бий коштогон концерт уюштурулду.
Вице-консул Чолпонай Аджиматова өзүнүн кыскача сѳзүндѳ энелерди майрамы менен куттуктап, бекем ден-соолук, бакубат жашоо каалады жана Башкы консулдуктун атынан көп балалуу энелерге белектерди тапшырды.
Ошондой эле иш-чаранын катышуучуларын 2021-жылдын 10-январына дайындалган Кыргыз Республикасынын Президентин мөөнөтүнөн мурда шайлоо жөнүндө маалымдап, кыргызстандыктарды өздөрүн шайлоочулардын тизмесинен текшерип, өз шайлоо укуктарын жүзөгө ашыруу үчүн консулдук жана биометрикалык каттоодон өтүүгө чакырды.