Кыргыз Республикасынын Тышкы иштер министрлиги Литва Республикасы менен Беларусь Республикасынын чек арасында жарандардын жана транспорт каражаттарынын топтолушу жөнүндө интернетте тараган маалымат боюнча төмөнкүлөрдү билдирет.

Азыркы учурда Литва Республикасы менен Беларусь Республикасынын ортосундагы чек арада Литванын "Шумскас-Лоша" жана "Твярячюс-Видзы" өткөрмө бекеттеринин жабылышына байланыштуу транспорт каражаттарынын кезек күтүүсү байкалууда. 

Алдын ала маалымат боюнча чек арада Кыргыз Республикасынын 80-90 жараны жана 70 жүк ташуучу транспорт каражаты бар. Ошол эле учурда, Беларусь Республикасы тарабынан эч кандай тыгындар же чектөөлөр катталган эмес.

Жеңил жана жүк ташуучу унаалар үчүн «Лаворишкес Литва – Котловка РБ», «Мединкай Литва – Стоун лог РБ», «Шалчининкай Литва – Бенякони РБ», «Райгардас Литва – Привалка РБ» өткөрмө бекеттери ишин улантууда.

Литва тараптан өткөрүү пункттарында Литва Республикасы тарабынан киргизилген чектөөлөр тууралуу расмий маалымат алуу күтүлүүдө.

Министрлик Кыргыз Республикасынын Беларусь Республикасындагы Элчилиги менен биргеликте чек арадагы кырдаалды такай көзөмөлдөп, мекендештерибизге зарыл жардам көрсөтүү боюнча чараларды көрүүдө.

Бөлүшүү