2022-жылдын 22-декабрында Кыргыз Республикасынын Кувейт Мамлекетиндеги Элчиси Азамат Карагулов Кувейт Мамлекетинин Улуттук Жыйынынын Төрагасы Ахмад Абделазиз Ал-Саадун менен таанышуу жана Кыргыз Республикасынын Жогорку Кеңешинин Төрагасы Н.Шакиевдин катын тапшыруу максатында жолугушуу өткөрдү.

Элчи А. Карагулов А. Ал-Саадунду Кувейттин Улуттук Жыйынынын Төрагасы болуп шайланышы менен куттуктап, Кыргыз Республикасындагы учурдагы коомдук-саясий жараяндаржана жүргүзүлүпжатканэкономикалык реформалар тууралуу айтып берип, ошондой эле Элчиликтин кыргыз-кувейт мамилелеринин ар кайсы чөйрөлөрүндөгү жетишкендиктери тууралуу баяндама  берди. Эки  өлкөнүн ортосундагы  парламенттер  аралык кызматташтыкты тереңдетүүгө жана кеңейтүүгө өзгөчө басым жасалды.

Өз учурунда Ахмад Ал-Саадун ыраазычылыгын билдирип, Кыргыз Республикасы менен парламенттер аралык кызматташтыкты бекемдөөгө, анын ичинен эки өлкөнүн депутаттарынын ортосундагы Достук топтору аркылуу  иш-сапарлар  менен алмашууга кызыкдарлыгын белгиледи. Ошондой эле тараптардын саясий, соода-экономикалык жана гуманитардык багыттардагы алакаларын өнүктүрүүгө багытталган аракеттерин кубаттап, өзүнүн жеке салымын кошууга даярдагын тастыктады.

Бөлүшүү