Кыргыз Республикасынын Түркмөнстандагы Элчилиги Кара-Кыргыз автономиялуу облусунун түзүлгөндүгүнүн 100 жылдыгына карата Кыргыз Республикасынын жарандары, этникалык кыргыздар жана Түркмөнстанда жашаган мекендештер менен жолугушуу өткөрдү.

Иш-чаранын жүрүшүндө жолугушуунун катышуучулары Кыргыз мамлекеттүүлүгүнүн калыптануусундагы маанилүү роль ойногон бул маанилүү датанын тарыхый мааниси жөнүндө, ошондой эле юбилейлик датага карата 2024-жылы ишке ашырууга пландаштырылган мамлекеттик деңгээлдеги иш-чаралар жөнүндө маалымат алышты.

2021-2026-жылдары Кыргыз Республикасында Кыргыз жараны деп жарандардын өзүн таануусун өнүктүрүүнүн жана 2021-2026-жылдарга инсандын руханий-адеп-ахлактык өнүгүүсү жана дене тарбиясы жөнүндө концепциялар жана бул стратегиялык документтердин принциптери жана максаттары тууралуу маалымат берилди.

Жолугушуунун жүрүшүндө жарандардын укуктарын жана кызыкчылыктарын коргоо боюнча кызыктырган суроолоруна толук жооптор, ошондой эле Кыргыз Республикасынын мыйзамдарындагы өзгөртүүлөр жөнүндө тиешелүү түшүндүрмөлөр жана маалымат берилди. Чет өлкөлөрдө консулдук кызмат көрсөтүү системасын жакшыртууга жана жарандардын кызмат көрсөтүүлөргө жетүүнү камсыз кылууга, ошондой эле мекендештерди колдоо үчүн мүмкүнчүлүктөрдү жакшыртууга багытталган өлкөдө жүргүзүлүп жаткан реформалар өзгөчө белгиленди.