2024-жылдын 4-июнунда КРнын Новосибирск шаарындагы Башкы консулдугу Россиянын Илимдер академиясынын Сибирь бөлүмүнүн Мамлекеттик коомдук илимий-техникалык китепканасы менен биргеликте китепкананын аянтында «Кыргызстанда тоо туризмин популяризациялоо» сүрөт көргөзмөсүн уюштурду. Сүрөт көргөзмөнүн алкагында Кыргыз Республикасынын Альпинизм федерациясынын мүчөлөрүнүн китебтеринин презентациясы өткөрүлдү.

Иш-чаранын салтанаттуу ачылышында КРнын Башкы консулу А.Айдарбеков куттуктоо сөз сүйлөп, Кыргыз Республикасынын туристтик потенциалы жана тоо туризминин жана альпинизмдин мүмкүнчүлүктөрү тууралуу айтып берди.

Ошондой эле, иш-чарада КРнын Альпинизм федерациясынын мүчөлөрү тарабынан «Чоң-Алай энциклопедиясы» жана «Кыргызстан – экстремалдык спорттун тарыхы» аттуу китептердин презентациясы болуп, аталган китептер Россия илимдер академиясынын Сибирь бөлүмүнүн Мамлекеттик коомдук илимий-техникалык китепканасына өткөрүлүп берилди.

Иш-чарага Новосибирск облусунун губернаторунун администрациясынын, Россия Федерациясынын Тышкы иштер министрлигинин, облустук мамлекеттик жана коомдук түзүмдөрдүн өкүлдөрү, дипломатиялык корпустун өкүлдөрү, илимпоздор, саякатчылар, альпинисттер, маданият ишмерлер жана кыргыз диаспорасынын өкүлдөрү катышты.

Бөлүшүү