Нью-Йорктогу Кыргыз Республикасынын БУУнун алдындагы Туруктуу өкүлчүлүгү БУУнун Аялдар Дипломаттарынын Клубу менен биргеликте өткөрүлгөн Кыргызстандын маданий мурасы - "Шырдак" улуттук килемин жөнүндө жайылтуу боюнча иш-чара

Ушул жылдын 21-апрелинде Нью-Йорктогу БУУнун алдындагы Кыргыз Республикасынын туруктуу өкүлчүлүгү БУУнун Аял Дипломаттар Клубу менен биргеликте Кыргызстандын материалдык эмес маданий мурастарын, айрыкча Шырдак килемин жасоону жайылтуу боюнча онлайн маданий иш-чарасын өткөрүштү, ага БУУдагы мүчө мамлекеттердин туруктуу өкүлдөрү, туруктуу өкүлдөрдүн жубайлары, дипломаттар жана БУУнун Катчылыгынын мүчөлөрү катышышты.

Нью-Йорк шаарындагы Кыргыз Республикасынын БУУдагы туруктуу өкүлү Миргуль Молдоисаева презентация жасап, анда катышуучуларга Шырдакты көркөм өнөр катары жасоо процесси, жасалгалардын семантикасы, көчмөндөрдүн күнүмдүк жашоосу жана аны жасоодо аялдардын маанилүү ролу жөнүндө тааныштырды. Туруктуу өкүл Миргуль Молдоисаева катышуучуларга көчмөндөрдүн философиясы, адамдардын күч-аракеттерин бириктирүү жана коомдук биримдик сезимин түзүү үчүн өндүрүш процессинин маанилүү ролу жөнүндө маалымат берди. Ошондой эле, катышуучуларга шырдак жасоо процесси жөнүндө видео ролик көрсөтүлдү.

Иш-чаранын катышуучулары Кыргыз Республикасынын маданияты менен таанышкандыгы үчүн ыраазычылыктарын билдиришип, ошондой эле келечекте Кыргыз Республикасынын көчмөндөр маданияты менен түздөн-түз таанышуу үчүн Кыргызстанга келип, Шырдакка арналган фестивалдарга катышуу каалоосун билдиришти.

Бөлүшүү

Facebook LinkedIn Twitter VK OK