2023-жылдын 14-февралында Антальяда жашаган мекендештердин активисттери кырсык болгон аймактардагы эвакуацияланган жарандарга жылуу кийим жана жууркан түрүндө гуманитардык жардам тапшырышты.

Өткөрүлгөн гуманитардык жардам Түркиянын эң көп жабыркаган шаарларына Башкы консулдук тарабынан эң кыска мөөнөттө жеткирилет.

Ошол эле учурда Башкы консулдук жер титирөөдөн кийинки алгачкы күндөрдө Адана, Османие, Кахраманмараш, Газиантеп жана Хатай шаарларынан эвакуацияланган жарандарыбыздын жардам чакырыгына жооп берген бардык жарандарыбызга ыраазычылык билдирет.