Кыргыз Республикасынын Россия Федерациясындагы Элчиси Г.-К. Саматтын 2021-жылдын июнь айында Баткен облусуна болгон иш сапарынын натыйжасында жана Баткен облусунун калкына колдоо көрсөтүүнүн алкагында Элчилик тарабынан Баткен облусунан Томск мамлекеттик архитектура жана курулуш институтуна 10 абитуриентти бюджеттик негизде окутуу маселеси иштелип чыкты. Студенттер Кыргызстанда суроо-талапка ээ болгон инженердик-техникалык кесиптер боюнча билим алышат.

Элчилик Баткен облусунун жаш тургундары окуусун ийгиликтүү аяктап, келечекте Кыргызстандын архитектуралык-курулуш индустриясынын өнүгүшүнө өз салымын кошот деп ишенет.