2021-жылдын 22-июлунда, Кыргыз Республикасынын Россия Федерациясындагы Элчилигине Москва облустун Волоколамск шаардык округунун Сычево конушунда жайгашкан курулушта жумуш берүүчү тарап Кыргыз Республикасынын жарандарын мыйзамсыз кармоо фактысы жөнүндө маалымат келип түшкөн.

Кырдаалды тактоо жана укуктук жардам көрсөтүү максатында Элчиликтин кызматкерлери Кыргыз Республикасынын Ички иштер министрлигинин Россия Федерациясындагы Өкүлчүлүгү менен биргеликте көрсөтүлгөн дарекке ыкчам барууну уюштурушту.

Баргандан кийин, 27 мекендештин мыйзамсыз курулушка тартылган фактылары аныкталды. Ошондой эле, жумуш берүүчү жарандардын паспортторун тартып алып, аларга күч колдонгон.

Элчиликтин жана Ички иштер министрлигинин өкүлчүлүгүнүн жардамы менен алынган паспорттор кайтарылды, андан кийин 27 жарандын бардыгы курулуш жүрүп жаткан жерден чыгарылып, элчиликке жеткирилип Россия Федерациясынын эмгек мыйзамдарына байланыштуу түшүндүрүү иштери жүргүзүлдү. Ошондой эле, аларга тамак-аш берилип, жашаган жерлерине жеткирилди.

Жабырлануучулардын айтымында, алар Кыргызстандан кыргыз жарандарын чет өлкөлөрдө жумушка орноштурууга байланыштуу уруксаты жок агенттиктин жардамы менен келишкен. Келгенден кийин жарандардын иштөө шарттары Бишкектеги келишимдерге дал келбей калганы белгилүү болду.

Бул факт боюнча, учурда Волоколамск шаардык округундагы Россиянын укук коргоо органдары тергөө алдындагы текшерүүнү жүргүзүп жатышат.

Бул маселе Элчиликтин көзөмөлүндө турат жана бардык зарыл болгон юридикалык жана башка жардамдар көрсөтүлөт.

Мүмкүнчүлүктөн пайдаланып, Элчилик Кыргыз Республикасынын жарандарын Россия Федерациясында иштегенге чейин, КР Тышкы иштер министрлигинин алдындагы Тышкы миграция департаментинин Маалыматтык консультация борбору менен байланышып, керектүү маалыматтарды алууну өтүнөт (тактап жеке юридикалык агенттиктердин тизмеси, өтүнмө ээсин кетүүгө чейинки окутуу, Россия Федерациясына кирүүгө тыюу салууну текшерүү, юридикалык жана башка кеңештер). Дареги: Бишкек шаары, Токтогул көчөсү 237, www.migrant.kg .