2022-жылдын 10-ноябрында Кыргыз Республикасынын Мажарстандагы Элчиси Талантбек Кушчубеков Мажарстандын Тышкы экономикалык байланыштар жана тышкы иштер министрлигинин Россия Федерациясы жана Борбордук Азия департаментинин директору Виктор Седеркени менен жолугушту.

Жолугушуунун жүрүшүндө тараптар Кыргыз Республикасы менен Мажарстандын ортосундагы эки тараптуу кызматташуунун деңгээли боюнча пикир алышты, эки тараптуу күн тартибиндеги актуалдуу маселелерди, анын ичинде алдыдагы иш сапарлардын жана иш-чаралардын графигин талкуулашты, ошондой эле келечектеги кызматташуунун келечектүү багыттарын талкуулашты.

Тараптар Кыргызстан менен Мажарстандын ортосундагы кызматташтыкты тереңдетүүгө багытталган биргелешкен иштерди улантууну макулдашышты.