2020-жылдын 7-мартында, Кыргыз Республикасынын  Иран Ислам Республикасынындагы  Элчилигинин кызматкерлери  Иран-Түркмөнстан чек ара бекетинде жайгашкан "Сарахс" жана "Лютфобад" контролдук-көзөмл пунктунда турушкан Кыпргыз Республикасынын  жүк ташуучу айдоочуларына  консулдук-укуктук жардам берүү жана колдоо көрсөтүү үчүн жөнөп  кетишти.

         Белгилүү болгондой, короновирус жугуштуу оорусу чыккандан кийин түркмөн тарабы Иран менен болгон чек арасын жапкандыгына байланыштуу  бул жер транзиттик жүк  ташуучу автомашиналардын жыйылуусуна алып келген.

         Кыргыз Республикасынын  Тегерандагы элчилиги Иран Ислам Республикасынын аймагында убактылуу жайгашкан Кыргыз Республикасынын  жарандары  менен байланыш түзүп, алар менен такай байланышта болууда жана  жүк ташуучу айдоочулар  маселесин  көзөмөлгө алууда.