2021-жылдын 13-майында Кыргыз Республикасынын Италиядагы Убактылуу ишенимдүү өкүлү Эрмек Исаков Жеке укукту унификациялоо боюнча эл аралык институттун (ЮНИДРУА) Башкы катчысы Игнасио Тирадо менен жолугушту.
Маалымат үчүн: Жеке укукту унификациялоо боюнча эл аралык институт (UNIDROIT) – жеке укук жаатында эл аралык документтерди даярдаган эл аралык өкмөттөр аралык уюм. UNIDROIT 1925-жылдын 3-октябрында түзүлүп, 1940-жылы институт өз алдынча негизде жана 1940-жылдын 15-мартында мүчө мамлекеттер кол койгон жаңы Статут менен кайра түзүлгөн. Учурда 63 мамлекет ЮНИДРУАнын катышуучулары болуп саналат. Кыргызстан Борбор Азиянын башка өлкөлөрүндөй эле ЮНИДРУАга мүчө эмес.
Жолугушуунун жүрүшүндө ЮНИДРУТтун Башкы катчысына Кыргызстандын Мобилдик жабдууларга эл аралык кызыкчылыктар жөнүндө конвенцияга жана 2001-жылдын 16-ноябрында Кейптаун шаарында кол коюлган Мобилдик жабдууларга эл аралык кызыкчылыктар жөнүндө Конвенцияга авиациялык техника боюнча протоколго кошулуу жөнүндө каттар тапшырылды. .
Ошондой эле жолугушуунун жүрүшүндө кыргыз тараптын ЮНИДРУА уюму менен түрдүү маселелер боюнча кызматташуусу боюнча бир катар маселелер талкууланды.