2024-жылдын 27-февралында Катар Мамлекетиндеги Кыргыз Республикасынын Атайын жана Ыйгарым укуктуу Элчиси Марат Нуралиев менен Катар Мамлекетинин Транспорт министри Жассим Саиф Ахмад Аль Сулайти менен жолугушуу өткөрдү.

Жолугушуунун жүрүшундө эки тараптуу кызматташтыкты мындан ары өнүктүрүү маселелери, тактап айтканда, эки өлкөнүн ортосунда түз авиакаттам ачуу, ошондой эле инфраструктураны жакшыртуу боюнча долбоорлор талкуланды. Жолугушуунун жүрүшүндө бир нече долбоорлор катар тараптын кароосуна берилди.

Жолугушуунун жыйынтыгында жогоруда талкууланган маселелер боюнча тыгыз иш алып барууну улантуу макулдашылды.