Ушул жылдын 31-июлунда Кыргыз Республикасынын Казакстан Республикасындагы Ыйгарым жана Укуктуу Элчиси Ж.Кулубаев Казакстандын чон шаарларында айыл чарба азыктарын дүң сатуу жана сатып алуу боюнча “PrimeCapitalHolding”компаниясынын башчысы Д.Жаныбеков жана “MCCtradecompany” Башкы директору А.Баймаханов менен жолукту.

Ж. Кулубаев экспорттук потенциалды, баа жеткиликтүүлүктү жана кыргыз айыл чарба продукциясынын жогорку сапатын белгилеп, эки өлкөнүн ортосунда соода мамилелерин кеңейтүүсүнүн маанилүүсүн баса белгиледи.

Кыргызстандан Казакстанга айыл чарба азыктарын экспорттоого жана кыргызстандык өнөктөштөр менен иш алып барууга аталган казакстан компаниялардын өкүлдөрү кызыкчылыгы бар экендигин билдирип, ишкер байланыштарды түзүп берүүгө көмөк көрсөтүүңү суранышты.