Будапештте кыргызстандык сүрөтчүлөр Азиз Сулайманов менен Садык Мурзахановдун эмгектеринин көргөзмөсү ачылды.

Көргөзмө Кыргыз Республикасы менен Венгриянын ортосундагы дипломатиялык мамилелердин 30 жылдыгына арналган. Ачылыш аземине картиналардын авторлору, Венгриянын мамлекеттик органдарынын, дипломатиялык корпустун өкүлдөрү, маданият жана искусство ишмерлери катышты. Кыргыз чеберлеринин эмгектери коомчулукта чоң кызыгууну жаратып, айрым сүрөттөрү өз сатып алуучуларын тапты.

Көргөзмө 2022-жылдын 28-февралына чейин улантылат. Көргөзмө аяктагандан кийин сүрөттөр Будапешттин көркөм галереяларына андан ары сатуу үчүн өткөрүлүп берилет.