Кыргызстандын жалпыга маалымдоо каражаттарында Москва шаарындагы №9015 шайлоо участогунда КР жарандарынын добуш берүүсүнүн жыйынтыгы боюнча акыркы документтер КР БШКга келип түшпөгөнү тууралуу маалымат жарыяланганына байланыштуу Элчилик төмөнкүнү билдирет.

Москва шаарында № 9015 участкалык шайлоо комиссиясынын шайлоо документтерин бирдиктүү шайлоо округу боюнча Свердлов райондук шайлоо комиссиясына өткөрүп берүү жөнүндө № 10 акт 2021-жылдын 29-ноябрында түзүлгөн жана 2021-жылдын 1-декабрында Бишкек шаарынын Свердлов райондук шайлоо комиссиясынын катчысына белгиленген тартипте өткөрүлүп берилген.  №9015 УШКнын маалыматы боюнча бул участкада 703 шайлоочу добуш берген.