2021-жылдын 29-августунда юбилейлик датаны майрамдоо боюнча иш-чаралардын алкагында Кыргыз Республикасынын Кытай Эл Республикасындагы Элчилиги Кыргыз Республикасынын Эгемендүүлүгүнүн 30 жылдыгына арналган футболдук турнирди уюштуруп өткөрдү.

Турнирге Кытайда катталган дипломатиялык корпустун өкүлдөрү, чет элдик достор жана Элчиликтин өнөктөштөрү катышты.

Турнирдин алкагында катышуучулар ошондой эле Кыргыз Республикаынын Эгемендүүлүгүнүн 30 жылдыгына арналган «кыргыз элинин табияты, маданияты жана үрп-адаты» фото көргөзмөсү менен да таанышышты.

Турнирдин соңунда, салтанаттуу аземдин алкагында – жеңүүчү командаларга жана катышуучуларга кубоктор, медалдар жана белектер тапшырылды.