2021-жылдын  8-июлунда  Москва шаарында Кыргыз Республикасынын Россия Федерациясындагы Атайын жана Ыйгарым укуктуу Элчиси Гульнара-Клара Самат Чили Республикасынын Россия Федерациясындагы Атайын жана Ыйгарым укуктуу Элчиси Эдуардо Эскобар менен жолугушуу өткөрдү.

    Жолугушуунун жүрүшүндө Тараптар Кыргыз Республикасы менен Чили Республикасынын ортосундагы мамилелердин келечеги, ошондой эле соода-экономикалык мамилелерди өнүктүрүү, инвестицияларды тартуу жана биргелешкен долбоорлорду илгерилетүү мүмкүнчүлүктөрү жөнүндө пикир алышты.
Тараптар кыргыз-чили кызматташтыгын чыңдоо үчүн ар кандай деңгээлдеги байланыштарды түзүүнүн маанилүүлүгү жөнүндө өз ара пикирлерин билдиришти.