2021-жылдын 24-августунда Кыргыз Республикасынын жарандарынын жумуш берүүчү тарабынан алынып коюлган паспортторун кайтарып алууга көмөк көрсөтүү тууралуу кайрылуусуна байланыштуу Консулдук бөлүмдүн кызматкерлери Калуга облусунун Балабаново шаарына барышты.

Чыгуу учурунда 2021 -жылдын 17 -майында Кыргыз Республикасынын жарандарынын 18 адамдан турган тобу Бишкектен Балабанового иштөө үчүн бейтааныш аял аркылуу келгени аныкталган. Россияга келгенде Айнагуль аттуу аял аларды Шереметьево аэропортунан тосуп алып, Балабанового алып келип, КР жарандарынын паспортторун алып кеткен. Андан кийин алар «Техмашимпекс» ЖЧКсында эки ай иштешкен.

2021-жылдын 24-августунда Кыргыз Республикасынын Россия Федерациясындагы Элчилигинин Консулдук бөлүмүнүн кызматкерлеринин жардамы менен паспорттор ээлерине кайтарылып берилген.

Кыргыз Республикасынын жарандары менен Россия Федерациясынын эмгек мыйзамдарынын маселелери боюнча түшүндүрүү иштери жүргүзүлдү.

Бул факты боюнча иштер мыйзамсыз миграцияны уюштурууга жол бербөө максатында Россия менен Кыргызстандын укук коргоо органдары аркылуу улантылат.