2019-жылдын 26-февралында Эр-Риядда өзүнүн Сауд Арабия Королдугуна болгон иш-сапарынын алкагында Тышкы иштер министри Чыңгыз Айдарбеков Сауд Арабияда жашаган мекендештер менен жолугушту.

Мекендештер Министрге, аларды кызыктырган суроолорун беришти, ошондой эле өзүнүн көз карашы жана демилгелери менен бөлүштү.  Ч.Айдарбеков бардык берилген суроолорго жооп берди жана бир катар сунуштарды мындан ары иштеп чыгууну контролго алды.  Мында, ТИМ башчысы КР Президентине караштуу мекендештер менен байланышуу боюнча кеңешти түзүү жөнүндө маалымдады, Кеңештин негизги максаты өз ара аракеттенүүнү бекемдөө жана чет өлкөдөгү кыргызстандыктардын укуктарын жана кызыкчылыктарын коргоо, колдоо көрсөтүү маселелери боюнча мамлекет менен мекендештердин ортосундагы натыйжалуу кызматташууну камсыз кылуу болуп саналаарын белгиледи.