2019-жылдын 28-февралында Сауд Арабия Королдугуна болгон иш-сапарынын алкагында Кыргыз Республикасынын Тышкы иштер министри Чыңгыз Айдарбеков  Булуңдун араб мамлекеттеринин  Кызматташуу кеңешинин (ССАГЗ)  Башкы катчысы Абдулатиф бин Рашид Аль-Заяни  менен жолугушту.

Министр Башкы катчыга өзүнүн Эр-Рияд шаарына болгон иш сапарынын негизги жыйынтыктары  жана анын жүрүшүндө жетишилген макулдашуулар жөнүндө маалымдады.Ал Кыргызстандын  ССАГЗга бардык мүчө-мамлекеттери менен кызматташууну кеңейтүү, эл аралык жана регионалдык уюмдардын, азыркы чакырыктар жана коркунучтарга каршы күрөшүү форумдарынын алкагында өз ара аракеттенүүгө кызыгуусун билдирди.  

Өз кезегинде, Башкы катчы  А.Аль-Заяни Уюмдун бардык чөйрөлөрдө  өз ара кызыкчылык көрсөткөн Борбор Азиялык өлкөлөр менен өнөктөштүктү жөнгө салууга даяр экендигин тастыктады.