Бул долбоорду ишке ашыруунун аркасында миңдеген муктаж үй-бүлөлөр ипотекалык насыялоо системасы аркылуу социалдык турак жайга ээ болушат.  Калкты жеткиликтүү турак-жай менен камсыздоо мамлекеттик саясаттын артыкчылыктуу багыты болуп саналат жана мамлекет башчынын көзөмөлүндө.  Бул тууралуу Министрлер Кабинетинин Төрагасынын биринчи орун басары Адылбек Касымалиев Ислам өнүктүрүү банкы менен «Шариат стандарттары боюнча жеткиликтүү турак жайды каржылоо» долбоору боюнча 79 миллион долларлык келишимге кол коюу учурунда билдирди.

Кол коюу аземи Министрлер Кабинетинин Төрагасынын биринчи орун басары Адылбек Касымалиев менен Ислам өнүктүрүү банкынын (ИӨБ) президенти Мохаммед Сулайман Аль-Жасирдин жолугушуусунда болду.

Жолугушуунун жүрүшүндө тараптар эки тараптуу кызматташуунун кеңири спектрин талкуулашты.

Белгиленгендей, бүгүнкү күндө банк тарабынан жалпы суммасы 500 миллион доллардан ашык 27 долбоор ишке ашырылып, 200 миллион доллардан ашык долбоорлор учурда ишке ашыруу стадиясында турат.

Бул контекстте документти кабыл алуу “Кыргызстан менен Ислам өнүктүрүү банкынын ортосундагы өнөктөштүк стратегиясы” кызматташуунун артыкчылыктуу багыттарын гана аныктабастан, транспорт тармагындагы, саламаттыкты сактоо жана билим берүү тармагындагы долбоорлорду ишке ашыруу үчүн жаңы перспективаларды ачат.

Министрлер Кабинетинин Төрагасынын биринчи орун басары Адылбек Касымалиев маектешин энергетика тармагындагы долбоорлорду ишке ашырууга өзгөчө көңүл буруп, бул теманын алкагында Камбар-Ата ГЭС-1ди куруу долбоорунун презентациясын жасады. Анын айтымында, бул «Борбор Азиядагы эң ири энергетикалык долбоорлордун бири болуп калат жана Кыргызстан үчүн стратегиялык маанилүү долбоор».

Адылбек Касымалиев ошондой эле ИӨБ жетекчилигин Кыргызстан тарабынан уюштурулуп, июнь айынын башында Венада (Австрия Республикасы) ГЭСтерди курууга каржы ресурстарын мобилизациялоо үчүн өтө турган Эл аралык энергетикалык инвестициялык форумга катышууга чакырды. 

Өз кезегинде ИӨБ директору Камбар-Ата ГЭС-1 куруу долбоорунун бүткүл Борбордук Азия аймагы үчүн маанисин белгилеп, долбоорду деталдуу изилдөөгө жана консорциумдун алкагында аны каржылоого ИӨБ катышуу мүмкүнчүлүгүн кароого даяр экендигин билдирди.

Белгилей кетсек, Министрлер Кабинетинин Төрагасынын биринчи орун басары Адылбек Касымалиев Эр-Риядга (Сауд Арабия Королдугу) иш сапары менен келген.

Сапардын алкагында Адылбек Касымалиев Ислам өнүктүрүү банкы тобунун менеджерлеринин 49-жылдык жыйынына катышат. Ошондой эле каржы институттарынын жана эл аралык компаниялардын жетекчилиги менен бир катар эки тараптуу жолугушууларды өткөрөт.