1-2 март күндөрү Кыргыз Республикасынын Өзбекстан Республикасындагы Атайын жана Ыйгарым Укуктуу Элчиси Ибрагим Джунусов  Өзбекстан Республикасынын Андижан, Наманган жана Фергана облустарында болуп, Андижан облусунун хокиминин орун басары И.Холматов, Андижан шаарынын хокими Д.Рахматуллаев, Наманган облусунун хакими Х.Бозаров жана Фергана облусунун хакими Ш.Ганиевдер  менен жолугушууларды өткөрдү. Жолугушууда Кыргызстан менен Өзбекстандын чектеш жайгашкан районундарында карым-катнашты жогорулатуу, ошондой эле талаптардын көбөйүшунө байланыштуу эки тараптуу сооданын көлөмүн, биргелешкен ишканаларды түзүү  жана маданий-гуманитардык кызматташтыкты жандандыруу маселелри талкууланды.

И.Джунусов, региондорду өнүктүрүүдө Кыргыз Республикасынын башчысы  тарабынан өзгөчө көңүл бөлүнүп, атап айтканда 2018-жыл Кыргызстанда “Региондорду өнүктүрүү жылы” деп жаарлык чыгып, ошол эле жылы 2018-2020-жылга Кыргыз Республикасынын аймактык саясаты концепциясы кабыл алынгандыгын белгилеп кетти. Кыргыз бийлиги жаңы технологияларды пайдалануу менен аймактарды өнүктүрүүдө кошумча түрткү берер ниети бар экендигин билдирди. Ошол себептен 2019-жыл Кыргыз Республикасынын Президенти Сооронбай Жээнбеков тарабынан “Региондорду өнүктрүү жана өлкөнү санариптештирүү жылы” деп жарыяланды. 

            Элчи И.Джунусов «Обод махалля» (шарты бар махалля) жана “Обод кишлок” (шарты бар айыл) аймактарды ишке ашыруу программасы менен таанышты. Андижан облусундагы инсулин чыгарган ишкан  «Zamin Bio Health», ийнелерди чыгарган «Makro Farm”, кокон жибегин өндүргөн “SOF IPAK INVEST», Наманган облусундагы кийим фабрикасы «IDEAL» жана  Фергана облусундагы бычуу фабрикаларында болду.