2019-жылдын 21-ноябрында Кыргыз Республикасынын Украинадагы Элчилигинде Атайын жана Ыйгарым укуктуу Элчи Шарипов Жусупбек Шарипович ЕККУнун Атайын байкоочу миссиясынын кыргыз контингенти менен жолугушуу өткөрдү.

          Жолугушуунун учурунда тараптар Украинанын чыгышындагы кырдаал менен пикирлер менен алмашышты.

          Элчи коноктор менен саламдашып, Элчиликтин ишмердүүлүгү тууралуу маалымат берди. Ошондой эле, кыргыз жарандарга Украинадагы кырдаалды жөнгө салуу үчүн кошуп жаткан салымдары үчүн ыраазычылык билдирип, иштерине ийгилик каалады.

            Кыргыз контингентинин мүчөлөрү ЕККУнун эң негизги иштери жана максаттары тууралуу баяндама жасашты.

            Кыргыз контингентинин өкүлү Абдираим Жорокулов Элчиге ыраазычылык билдирди.

            Жолугушуу бей расмий жана достук нукта өттү.