2020-жылдын 13-февралында Кыргыз Республикасынын Украинадагы Атайын жана Ыйгарым укуктуу Элчиси Ж.Шарипов Украинанын Билим берүү жана илим министри А.Новосад менен жолугушуу өткөрдү.

Жолугушуунун жүрүшүндө Тараптар билим берүү жана илим чөйрөсүндөгү кыргыз-украин кызматташтыгынын перспективдүү багыттарын талкуулашты.

Тараптар Кыргыз Республикасынын Өкмөтүнүн жана Украинанын Өкмөтүнүн ортосунда билим берүү чөйрөсүндө кызматташуу жөнүндө Келишимге, ошондой эле, өкмөттөр аралык илим чөйрөсүндөгү Келишимге кол коюуну макулдашышты.

Жолугушуунун соңунда Тараптар билим берүү жана илим чөйрөсүндө бар болгон өз ара эки тараптуу кызыкчылыктын негизинде түзүлгөн мамилени мындан ары өнүктүрүүгө кызыктар экендигин билдиришти.