2021-жылдын 8-октябрында Кыргыз Республикасынын Украинадагы Элчилиги К.Баялинов атындагы Республикалык балдар жана жаштар китепканасы менен Украинанын Балдар үчүн Улуттук китепканасынын ортосунда болгон видео-конференция жолугушуусуна катышышты.

Иш-чара Кыргыз Республикасынын Эгемендүүлүгүнүн 30 жылдыгына арналган иш -чаралардын бири катары Элчиликтин демилгеси менен Украинанын Балдар үчүн Улуттук китепканасы менен биргеликте уюштурулду.

Конференциясынын жүрүшүндө кыргыз тарап кыргыз боз үйүнүн өзгөчөлүктөрү жөнүндө, ал эми украин тарап улуттук үйүнүн өзгөчөлүктөрү жөнүндө сүйлөшүштү. Белгилей кетсек, мындай иш -чаралар эки өлкөнүн китепканаларынын ортосунда үзгүлтүксүз өткөрүлүп турат.

Иш-чаранын негизги максаты - Украинанын жаш муундарынын арасында кыргыз маданиятын жана Кыргызстандын жаш муундарынын арасында украин маданиятын таанытуу.

Тараптар маданий чөйрөдө болгон эки тараптуу достук мамилелерди активдүү өнүктүрүү үчүн тыгыз кызматташтыкты улантууну жана балдардын катышуусу менен видеоконференцияларды тез-тез өткөрүп турууну макулдашышты.