2019-жылдын 15-майында Казакстан Республикасындагы Кыргыз Республикасынын Өзгөчө жана Толук ыйгарым укуктуу Элчиси Ж. Кулубаев “Кыргызстан-Астана” этномаданий Коомдук бирикмеси тарабынан Нур-Султан шаарынын акимат жана Казакстан элинин ассамблеясынын колдоосу менен уюштурулган Кыргызстандын Казакстандык Элдик жазуучусу Ч. Айтматовдун 90 жылдыгына арналган тегерек столго жана “Тоолордун жана талаалардын жолугушу” көргөзмөнүн ачылышына катышты.

Иш-чарада сөз сүйлөгөндөр Казакстан элинин ассамблеясынын Төрагасынын орун басары Туймебаев Ж.К., Нур-Султан ш. акимдин орун басары Каналимов Е.Е., Л.Н.Гумилев атындагы ЕУУокутуучусу Жолдасбеков М., жазуучу Айтматова Р.Т. жана башкалар өздөрүнүн Ч. Айтматов менен болгон жолугушуулары жөнүндө эскерүүлөрүн жана жазуучунун чыгармачыл мурасынын заманбап кыргыз, казак жана дүйнө маданиятын калыптандыруу ролу жөнүндө ой жоруулары менен бөлүшүштү. Тегерек столдун катышуучуларынын бир чыккан пикири боюнча, Ч. Айтматов бүткүл түрк элинин жалпы адабий мурасы жана сыймыгы болуп саналат. Өз кезегинде Элчи Ж. Кулубаев сөз сүйлөп жаш муунду Ч. Айтматовдун адабиятына жакындаштыруунун, ошондой эле Кыргызстан менен Казакстандын боордош элдеринин ортосундагы маданий байланышты бекемдөөнүн зарылдыгын баса белгиледи.

Ушул эле күнү, ү.ж. 15-майында №79 мектеп-гимназияда Ч.Айтматовдун музеинин ачылышына катышты.

Мектептин окуучулары музейдин ичинде  фотокөргөзмөнү ошондой эле жазуучунун китеп көргөзмөсү дагы уюштурушту. Казакстан Республикасындагы Кыргыз Республикасынын Элчиликтин атынан музейдин фондуна Ч.Айтматовдын чыгармаларын белек катары сунуштады.