2019-жылдын 8-майында Кыргыз Республикасынын Украинадагы Элчилиги, коомдук бирикме «Тосор Коому» өкүлдөрү (Ысык Көл областы) жана Днепропетровск областындагы кыргыз диаспорасы Советтер союзунун баатыры Мукаш Салакуновдун жаркын элесине арналган № 52 орто мектеп даярдаган иш-чарага катышышты.

Мектеп окуучуларынын даярдаган майрамдык концерттик программасынан кийин, Элчилик Днепр шаарындагы ардагерлерди Улуу Ата Мекендик согуштун Жеңишинин 74-жылдыгы менен куттуктап жана аларга белектерди тапшырды. Ошондой эле, мектептин Улуу Ата Мекендик согуштун музейине М.Салакунов жөнүндө иш-кагаздар тапшырылып, ал эми окуу жайдын китепканасына Элчилик тарабынан украин тилине которулган “Манас” эпосу, Ч.Айтматовдун чыгармалары жана “Кыргыз Эл жомокторунун” жыйнагы белек катары тартууланды.

Маалымат катары: Днепр шаарынын көчөлөрүнүн бирине Советтер Союзунун баатыры М.Салакуновдун ысмы ыйгарылган. Днепр шаарындагы № 52 орто мектеп дал ошол көчөдө жайгашкан.