2022-жылдын 31-январында Киев улуттук курулуш жана архитектура университетинин окумуштуулар кеңеши Кыргыз Республикасынын Атайын жана Ыйгарым укуктуу Элчиси Жусупбек Шариповго «Киев улуттук курулуш жана архитектура университетинин ардактуу профессору» наамын ыйгарды.

Сыйлыкты Киев ректорлор кеңешинин төрагасы жана Украина Ректорлор союзунун президенти, университеттин ректору Петр Куликов тапшырып, элчи Ж.Шариповду ардактуу наамы менен куттуктап, Кыргыз Республикасы менен Украинанын ортосундагы билим берүү тармагындагы жигердүү кызматташтыгы үчүн ыраазычылык билдирди.