Өлкөнүн инвестициялык потенциалын алдыга жылдыруу боюнча тажрыйба алмашуу максатында үстүбүздөгү жылдын 3-октябрында Украинадагы Кыргыз Республикасынын Элчилиги жана Кыргыз Республикасынын Соода, өнөр жай палатасынын өкүлчүлүгү «Odesa 5T Investment Promotion Forum» аттуу IV Эл аралык инвестициялык форумуна катышышты. Форумдун алкагында алдынкы аналитик жана бизнес чөйрөнүн өкүлдөрү менен таанышуу болду.

          Одесса областына болгон иш сапардын алкагында Элчи Ж.Шарипов Одесса шаарынын Мэри Г.Труханов менен жолугушуу өткөрүп, анда мындан аркы кызматташуу багыттары тууралуу маектешип, Одесса жана Ош шаарларын боордош шаар кылуу тууралуу макулдашылды.

          Элчи Ж.Шарипов Одесса шаарында жана Одесса областында жашап жаткан кыргыз диаспорасы менен жолугушуу өткөрдү. Элчи Элчиликтин иш алып баруусу боюнча баяндама жасап, кыргыз жарандарынын суроолоруна (документтештирүү, билим алуу жана “жүк-200”) жооп берди.