2019-жылдын 24-октябрында Кыргыз Республикасынын Тышкы иштер министрлигинин түптөлүшүнүн 75-жылдыгына жана Дипломатиялык кызматкеринин күнүнө карата Элчиликтин имаратында Кыргыз Республикасынын Украинадагы Атайын жана Ыйгарым укуктуу Элчи Ж.Шарипов, Т.Шевченко атындагы Киев улуттук университетинин Эл аралык мамилелер жана укук институтунун окуучулары менен жолукту. Институт украиналык дипломаттарды даярдоо боюнча биринчи орунда турат.

          Элчи Ж.Шарипов Кыргыз Республикасынын түптөлүшү жана кыргыз дипломатиясы, Элчиликтин ишмердүүлүгү жана кыргыз-украин мамилелери тууралуу айтып берди.

          Элчилик тарабынан кийизден, кайыштан жасалган улуттук буюмдар, баш кийимдер, музыкалык аспаптар көргөзүлүп, алар аркылуу жогорку жайдын окуучулары кыргыз маданияты менен кененирээк таанышып, ошондой эле кыргыз улуттук тамак-аштарынан даам татышты.

          Жолугушуунун аягында Элчи Ж.Шарипов окуучулардын суроолоруна жооп берип, окууларына ийгилик каалоо менен бирге украин тилине которулган Ч.Айтматовдун чыгармаларын белекке тартуулады.