2019-жылдын 20-ноябрында Киев шаарында Кыргыз Республикасынын Эгемендүүлүгүнүн 28-жылдыгына арналган дипломатиялык кече өткөрүлдү.
           Кечеге Украинада аккредиттелген Атайын жана Ыйгарым укуктуу Элчилер, Эл аралык уюмдун өкүлдөр, Украинанын Жогорку Радасынын депутаттары, Украинанын министрликтеринин жана ведомстволорунун өкүлдөрү, коомдук бирикмелер, интеллигенция, бизнесс өкүлдөрү жана Украинанын аймагында жашаган кыргыз жарандары катышты.
           Кечени ачуу салтанаттуу сөзүндө Кыргыз Республикасынын Украинадагы Атайын жана Ыйгарым укуктуу Элчиси Ж.Шарипов кыргыз мамлекеттүүлүгүнүн түптөлүшү тууралуу баяндап, Кыргыз Республикасынын ички жана тышкы саясаты, ушул жылы Кыргызстандын аймагында өткөрүлгөн маанилүү иш-чаралар тууралуу айтып берип, эки тараптын кызыкчылыктарына туура келген динамикалуу кызматташууну баса белгилеп, бар болгон мамилени дагы да илгерлетүү керек экендигин билдирди.
           Кеченин жүрүшүндө конокторго Кыргыз Республикасынын туристтик жана инвестициялык мүмкүнчүлүктөрү тууралуу видеороликтер көрсөтүлүп, кыргыз ашканасынын тамактарынан даам таттуу мүмкүнчүлүгү дагы берилди.
           Иш-чараны Украинанын алдыңкы массалык маалымат каражаттары өз булактарында чагылдырышты.