2020-жылдын 30-январында Кыргыз Республикасынын Болгария Республикасындагы, резиденциясы Киев шаарында жайгашкан, Атайын жана Ыйгарым укуктуу Элчиси Жусупбек Шарипов жыл сайын салтанаттуу түрдө Болгария Республикасынын Улуттук тарых музейинде өткөрүлчү Болгария Республикасынын Президенти Р.Радевдин Болгарияда аккредиттелген дипломатиялык өкүлчүлүктөр жана эл аралык уюмдардын өкүлдөрү менен жолугушуусуна катышты.

Кыска сүйлөшүүнүн учурунда Элчи Ж.Шарипов Кыргыз Республикасынын Президенти С.Жээнбековдун атынан Болгария Республикасынын Президенти Р.Радевге саламын узатып, өлкөнүн эки тараптуу саясый, экономикалык, маданий-гуманитардык багыттардагы мамилелерин илгерлетүүгө жана өнүктүрүүгө кызыктар экендигин белгиледи.

Өз учурда, Болгария Республикасынын Президенти Р.Радев дагы Болгар Тарабынын эки тараптуу кызматташууну илгерлетүүгө даяр жана кызыктар экендигин далилдеди.