2021-жылдын 11-апрелинде Сургут аймагында өтүүчү Кыргыз Республикасынын референдумуна катышуу боюнча Ханты-Мансийск жана Ямало-Ненецк автономиялуу округдарында жашаган Кыргыз Республикасынын жарандарынын конституциялык укуктарын ишке ашырууну камсыз кылуу максатында, Сургут шаарынын аймагындагы Элчиликтин бөлүмүнүн имаратында Сургут шаары, Югорский тракт, 1 үй дареги боюнча №9014 шайлоо участкасы түзүлгөн.

Бүгүнкү күндө шайлоочулардын тизмесинде, Кыргыз Республикасынын жарандары болуп саналган 1000ден ашуун адам бар, алар көрсөтүлгөн № 9014 УШКда 2021-жылдын 11-апрелинде саат 08: 00дөн баштап,  саат 20:00гө чейин добуш бере алышат.

Ошондой эле Ханты-Манси автономиялык округу-Югра жана ЯНАОдо жашаган Кыргыз Республикасынын жарандарынын Кыргыз Республикасынын Конституциясын кабыл алуу жөнүндө КРнын референдумуна добуш берүүгө катышуу мүмкүнчүлүгү тууралуу маалыматтык-түшүндүрүү иштери күн сайын жүргүзүлүп жатат.

Элчиликтин бөлүмү ХМАО жана ЯНАОдо жашаган Кыргыз Республикасынын жарандарынан өздөрүнүн шайлоо укугун ишке ашырууну өтүнөт.