2019-жылдын 16-декабрында София шаарында Кыргыз Республикасынын Болгария Республикасындагы, Киев шаарында жайгашкан резиденциясы менен, Атайын жана Ыйгарым укуктуу Элчиси Жусупбек Шариповдун Болгария Республикасынын Президенти Румен Радевге расмий түрдө ишеним грамоталарын тапшыруу аземи болуп өттү.

         Расмий ишеним грамоталарын тапшыруу аземи аяктаган соң, Элчи Ж.Шариповдун Президент Р.Радев менен эки тараптуу жолугушуусу тет-а-тет форматында болуп, анда эки тараптуу кызматташуунун азыркы деңгээли жана анын келечеги тууралуу маек болду.

         Элчи Р.Радевге терең ыраазычылык билдирип, кыргыз-болгар достук кызматташтыгын бекемдөөгө жана саясый, соода-экономикалык, маданий-гуманитардык чөйрөлөрдө эки тараптуу кызматташууну илгерлетүүгө бардык күчүн жумшай тургандыгын ырастады.

         Өз учурунда Президент мырза перспективдүү багыттарда эки тараптуу кызматташууну кеңейтүүгө кызыктар экендигин белгилеп, Кыргыз Республикасынын Элчисинин дайындалышы менен эки тараптуу мамилелер дымактуу илгерлей тургандыгын билдирди.

         Эки тараптуу жолугушуудан кийин Элчи Ж.Шарипов белгисиз аскердин эстелигине гүл чамбар коюу аземи болуп өттү.