2019-жылдын 30-ноябрында Кыргыз Республикасынын Украинадагы Элчилиги Киев шаарынын Эл аралык аялдар клубу тарабынан уюштурулган, жыл сайын өткөрүлө турчу кайрымдуулук жарманкесине катышты.

          Иш-чара “Олимпийский” улуттук спорт комплексинде өткөрүлүп, ага Украинада аккредиттелген, 47 дипломатиялык өкүлчүлүк, Украинанын министрлик жана ведомстволорунун өкүлдөрү, массалык маалымат каражаттары, Киев шаарынын тургундары жана коноктору катышышты.

          Элчилик тарабынан кооздолгон Кыргыз Республикасынын бурчу келүүчүлөрдүн көңүлүн өзүнө бурду. Иш-чара келип катышкандар Кыргыз Республикасынын маданияты менен таанышып, кийизден жасалган буюмдарды, улуттук баш кийим, шарф, чоподон жана териден жасалган сувенирлерди сатып алуу мүмкүнчүлүгүнө ээ болуп, кыргыз ашканасынын улуттук тамактарынан даам татышты.

          Иш-чарадан чогулган акча каражаттарынын баары “Киев шаарынын эл аралык аялдар клубу” кайрымдуулук фондуна өткөрүлүп берилди.